SONETU 35
Traducido al extremeño por José María Domínguez Moreno
Empuntal mu acullá, pintoju 'e jormiguillu,
guteal nuevus belfus, iciris, abarcuras,
escudial escribanías leyías y golviás,
minal algotrus píus p'algotrus nuevus bezus...
Ni las jeretras cortinas qu'infroman los tus ojus
ni las jundilonas maris que naó el mi barcu
no trincarán enjamás el mi corazón gañotau
pol los desiertus revesinus de las nochis escuras.
Briegal, zumbal p'alantri, esmechal a to metel,
achancal maris, millas, mandalón o novizu,
agilal a toa priesa pa largutus cascajalis,
Ejal al concu alunás, ajinus, jundiúras
y aballál pol la juélliga 'e prata que m'agura
copras arrelv'azuli, aguardi, islas qu'apetan.